NZ Human Rights Commission - Accessible HTML Document
Āmioga fiafai`āiga fa’asoesā
Sexual harassment - Samoan translation
‘O le ā lenei mea o āmioga fiafai`āiga fa’asoesā
‘O āmioga fiafai`āiga fa’asoesā o āmioga lē taupulea e lē fia taliaina ‘ua fai so’o pe ‘ua telē lona a’afiaga ‘ua fai ma mea ‘ua āfāina ai ‘oe.
‘Ua ‘avea lea ma solitulāfono i lalo o Tulāfono o Āiā Tatau pe‘āfai ‘ae tupu i totonu o:
- gāluega
- ā’oga
- po’o se vāega ‘olo’o a’afia i Tulāfono o Āiā Tatau.
Mo nisi fa’amatalaga, fa’afeso’ota’i le Komisi o Āiā Tatau i le telefoni o laina fa’amatalaga e leai se totogi 0800 496 877.
Fa’ata’ita’iga o āmioga fiafai`āiga fa’asoesā
‘Ua ono a’afia ‘oe i āmioga fiafai`āiga fa’asoesā pe ‘afai:
- ‘o ‘oe ‘ua fai atu i ai ni upu o āmioga fiafai`āiga fa’asoesā i totonu o falefaigāluega po’o ā’oga
- ‘ua tago so’o atu ‘iā ‘oe lou pule po’o se tasi e te lua faigāluega i se ‘auala e lē taliaina
- ‘ua fa’asoeā atu le pule o le fale mautotogi ‘ina ‘ia vala’au atu ia i totonu ‘ae iai ni itū fiafai’āiga o lana amio fa’aalia.
- ‘ua maua ni ou totogi maualalalo ina ‘ua e lē taliaina faiga lē migao a le faiā’oga
- ‘ua fa’asoesā le mana’o o lē e lua te faigāluega ‘e te lua eva
- ‘ua iai ni āmio e lē taliaina a lau faufautua, fōma’i po’o le lōia ‘iā te ‘oe
- ‘ua fa’aali atu ni ata lē talafeagai ‘iā te ‘oe i totonu o le falefaigāluega.
Māfua’aga e tatau ai ona fai sau gāoioiga
E leai se mea e te taliaina ai amio fa’asoesā fiafai’`aiga ‘e te lē mana’o ai
- ‘O āmioga fiafai`āiga fa’asoesā e faifai pea pe‘āfai e lē faia i ai se gāoioiga.
- ‘O āmioga fiafai`āiga fa’asoesā e ono a’afia ai ou lagona i lau gāluega, ā’oga po’o le sa’iliga o ‘au’aunaga.
- ‘O āmioga fiafai`āiga fa’asoesā e mafai ona fa’aitiitia ai ou lagona mitamita ‘ia te ‘oe lava.
- ‘O isi tagata na ui mai i le tulaga ‘olo’o e a’afia ai nei, ‘ae na lē mafai ona fai se gāoioiga.
Māfua’aga e sesē ai āmioga fiafai`āiga fa’asoesā
- E iai ‘uma a tatou āiā tatau e faia ai tatou ma le tonu ma le fa’aaloalo.
- E iai ‘uma a tatou āiā tatau ‘ina ‘ia o tatou sa’oloto ai mai āmioga fiafai`āiga fa’asoesā.
A’afia fua
E puipuia e le Tulafono o Āiā Tatau tagata mai le a’afia fua ona ‘ua latou fa’afeso’ota’ia le Komisi e uiga i āmioga fa’asoesā, ‘olo’o a’afia ai i faigā ‘upu po’o le lagolagoina o isi tagata i le faia o se fa’aseā.
Se mea e mafai ona ‘e faia e uiga i āmioga fiafai`āiga fa’asoesā
- Tusi se fa’amaumauga o mea na tutupu ‘ua fa’atīgā ‘iā te ‘oe.
- Talanoa ma se tasi ‘ua ‘e talitonuina ma ‘ole‘ā ia malupuipui i fa’amatalaga.
- Talanoa i le tagaga ‘olo’o faia āmioga fiafai`āiga fa’asoesā, ta’u i ai lou lē fiafia i ana āmio. E mafai ona talanoa fa’afesaga’i, tusi, po’o le talanoa i le iuni po’o se tasi e fai ma sui.
‘Afai e lē mafai, pe lē talafeagai, e mafai ona ‘e sa’iliina se fautuaga ma se lagolaga mai i:
- se tagata feso’ota’i mo āmioga fiafai`āiga fa’asoesā i le fale faigāluega
- pule po’o le faufautua a le ā’oga
- Komisi o Āiā Tatau
- sui tāfia a lau iuni po’o se lōia
- o leoleo
- ‘Ofisa Tau Vafealoa’I I Galuega (Employment Relations) (pe‘āfai ‘ua ‘e a’afia i āmioga fa’asoesā i le gāluega). Telefoni 0800 20 90 20.
Fa’amatalaga: ‘Ona ‘o la matou taumafai e faia nei fa’amatalaga ma le sa’o ‘ato’atoa, e lē tatau ai ona ta’ua o se fautuaga fa’aletulāfono.
Fa’afeso’ota’i le Komisi o Āiā Tatau